Noson o ddathliadau i GRhB

Criw buddugol yr Her B3 yn casglu eu tlws

Wrth i ni agosáu at ddiwedd y flwyddyn, cynhaliwyd noson o ddathlu yng Nghlwb Hwylio Brenhinol Ynys Môn yn ddiweddar i ddathlu campau'r clwb a'r rhwyfwyr ond hefyd i gydnabod yr holl hwyl a chyfeillgarwch sydd i’w gael yng Nghlwb Rhwyfo Beaumaris.

Fel clwb, fe wnaethon ni gymryd rhan mewn saith ras Rhwyfo Môr Cymru yng Nghaernarfon, Porthmadog, Beaumaris, Aberystwyth, Aberdyfi, Cei Newydd a Moelfre.

Rwy'n dweud saith ras, ond fel y mae criwiau'r merched wedi'i nodi drwy gydol y tymor, dim ond mewn chwe ras y cystadlodd y dynion gan fod rasys Aberystwyth wedi'u canslo gan y trefnwyr oherwydd gwyntoedd cryfion a thonnau mawr ar ôl i'r merched rasio yn yr amodau anhygoel o heriol!

Menai: enillwyr adran Fets Cynghrair y Gogledd

Cyflwynwyd tlws i Griw Fets Dynion Beaumaris, a oedd yn rasio ym Menai, am ennill cystadleuaeth Fets Cynghrair y Gogledd ar ôl sicrhau dwy fuddugoliaeth, un ail safle ac un trydydd safle yn ystod y tymor.

Cyfuniad o Mike Thorne, Andrew Challis-Jones, Lee Williams, Arwel Evans a Justin Starbuck oedd criw Menai gydag Ingrid Pedersen a Pippa Thomas yn cocsio.

Roedd cydnabyddiaeth hefyd i griwiau Agored y Merched a Fets Cymysg a orffennodd yn drydydd yn eu categorïau priodol.

Fel clwb, fe wnaethon ni hefyd gystadlu mewn pedair Ras Her; Ras Ynys Seiriol, Ras Madog, Castell i Gastell a’r Great River Race yn Llundain.

Cipiodd Menai'r anrhydeddau yn Ras Ynys Seiriol wrth i Mike, Challis, Lee ac Arwel Evans, dan arweiniad Gary Pritchard, atal criw cryf o Borthmadog i ennill, a'r wythnos ganlynol gorffennodd criw Menai o Mike, Challis, Lee a Gary, dan arweiniad Mari Pritchard, yn ail agos yn Ras Madog.

Aeth Gwobr Her B3 flynyddol am y rhwyf cyflymaf o Beaumaris i B3 ac yn ôl - pellter o ychydig o dan 10km - i Lee, Challis, Arwel a Simon Geering. Cwblhaodd y criw, dan arweiniad Andrew Parker, y rhwyf mewn amser o 51’29.

Roedd y noson hefyd yn ddathliad o ochr gymdeithasol y clwb, sydd â 95 o aelodau, gyda sawl gwobr yn cael eu dyfarnu i gydnabod pob agwedd o’r clwb.

Rhwyfo Heuldro'r Haf

Enillwyd y Wobr Ffotograffiaeth flynyddol gan Gary am ei lun o'r sgwl a dynnwyd yn ystod ein taith rwyfo blynyddol i ddathlu Heuldro'r Haf. Cafodd y daith honno ei enwebu hefyd yng nghategori Taith Rhwyfo'r Flwyddyn fel un o sawl digwyddiad a drefnwyd gan y clwb yn ystod y flwyddyn.

Y digwyddiad buddugol, fel y pleidleisiwyd drosto gan yr aelodau, oedd syniad Pippa o Daith o Amgylch yr Ynys (Rhan 1). Yn anffodus, cafodd y cynlluniau i rwyfo'r holl ffordd o amgylch yr ynys eu difetha gan y tywydd yn gynharach yn yr haf, ond mwynhaodd 20 o rwyfwyr wedi'u gwasgaru ar draws dau o gychod Celtaidd y clwb, taith wych 30 milltir o Borth Llechog i Draeth Bychan ac yna o Draeth Bychan ymlaen i Beaumaris.

Robert Clunas yn casglu ei wobrau

Roedd yn noson dda i Robert Clunas a gododd y wobr am Rhwyfwr y Flwyddyn ar ôl mynychu mwy o sesiynau rhwyfo nag unrhyw aelod arall drwy gydol y flwyddyn a chasglodd hefyd Gwobr y Newydd-ddyfodiad am ymroi i weithgareddau'r clwb gyda chymaint o frwdfrydedd.

Diolchwyd yn arbennig i bob aelod sy'n gwirfoddoli i gocsio ein sesiynau rhwyfo, hebddynt hwy ni fyddem yn gallu rhwyfo, ac aeth y wobr am Cocs y Flwyddyn i Jacques Sissons am lywio'r nifer fwyaf o sesiynau drwy gydol y flwyddyn,.

Dyfarnwyd Gwobr Jemima'r clwb, a gyflwynir i aelod neu aelodau sydd wedi gwneud cyfraniad mawr i'r clwb, i Mari Pritchard am ei gweithred bendant wrth wynebu argyfwng meddygol ar y dŵr wedi i un o'r criw fynd yn sâl wrth rwyfo.

Wrth wynebu sefyllfa anhygoel o heriol, cymrodd Mari gamau pendant wrth lanio'r cwch a galw am gymorth meddygol, nid yn unig gan lwyddo i alw ambiwlans ond hefyd eu meddyg teulu ei hun.

Roedd gweithredodd clir a chyflym a phenderfynadwyedd Mari yn golygu bod ein claf wedi cael y cymorth angenrheidiol cyn gynted â phosibl ac o bosibl wedi osgoi digwyddiad lawer mwy difrifol.

Roedd yna hefyd sawl gwobr arbennig wrth i Cindy Styles dderbyn gwobr yr Arwr Tawel am fod yn bresennol y tu ôl i'r llenni ym mhob digwyddiad, ras a thaith a Wyn Thomas ennillodd wobr Cefnogwr y Flwyddyn am ei gefnogaeth mewn rasys cynghrair ac yn y Great River Race yn Llundain er gwaetha’r ffaith ei fod wedi anafu.

Mae gwobr olaf y noson yn un o wobrau mawr y clwb ac yn un lle mae cryn gystadleuaeth i’w hennill. Roedd angen tystiolaeth fideo o sgil a medrusrwydd anhygoel y ddau fu’n fuddugol er mwyn i'r pwyllgor ddyfarnu gwobr Triniwr Trolïau'r Flwyddyn i Gary a John Bach. Llongyfarchiadau i'r ddau!

Gary a John Bach, the 2025 Trinwyr Trolïau'r Flwyddyn